هو
: هو أنتم عملتوا ثورة ضد مبارك لية ؟
هى
: علشان نقضى على الفساد والإستبداد ؟
هو
: وقضيتم على الفساد والإستبداد ؟
هى
: لسه
هو
:..وعملتوا ثورة ضد مرسى ليه ؟
هى
: علشان نقضى على تجار الدين والإرهاب .
هو
: وقضيتوا عليهما ؟
هى
: لسه .
هو
: طيب أنتوا كانت أية أهدافكم ؟
هى
: عيش حرية عدالة إجتماعية .
هو
: طيب حققتوا أية ؟
هى
: لسة
هو:
طيب قضيتوا على الفقر
هى
: لاء بس بنقضى على الفقرا نفسهم !
هو
: ووالعدالة ؟
هى
: يعنى هو مبارك أتحاكم هو ورموزه وخرجوا براءة ودلوقتى بنحقق مع جماعة الإخوان
......
هو
: طيب مين تتوقعى ياخد أحكام ؟
هى
: فيه كتير من النشطاء خدوا احكام ..دومة مثلا .
هو
: هو قوانين إدراج الإخوان جماعة إرهابية ومكافحة الإرهاب لماذا لم يصدق عليها
رئيس الجمهورية ؟
هى
: ؟؟؟؟ مش عارفة .
هو
: الحرية بقت أكتر ؟
هى
: هى الاسعار أرتفعت أكتر .
هو
: الأمن رجع ؟
هى
: أبدا .
هو
: يعنى الثورة فشلت .
هى
: ممكن .
هو
: لية فشلت .
هى
: لأن نظام مبارك الأخوان قاد الثورة المضادة بنجاح وذكاء مخابراتى أمنى رهيب .
هو
: وبعدين .
هى
: فى ثورة ثالثة .
هو: فيكم نفس .
هى
: طبعا .
هو
: أمتى ؟
هى
: الثورة الثالثة بعد ما أكبر قناع يسقط ..والجوع يشتد ! والمواطن يحس بسخونة
القلم اللى نزل على قفاه !
هو
: يعنى كتير .
هى
لاء : بعد سنتين .
ليست هناك تعليقات:
إرسال تعليق